forvarnardagurinn

Tölum saman um framtíðina

Mon, 21 Sep 2026 14:11:08 GMT

Framhaldsskólar - Samtal

Tölum saman um framtíðina

Nú, á tímum mikilla umbreytinga og hraðrar tækniþróunar, viljum við á ný skapa rými til að staldra við, hlusta og tala saman.

Í október bjóðum við til þjóðarsamtals: Hvernig samfélag viljum við skapa saman? https://talasaman.is/

Ungt fólk leiðir samtalið en þeim sem yngri og eldri eru, er boðið að taka þátt, til að skapa raunverulegt samtal kynslóða. Um allt land mun fólk hittast, hlusta hvert á annað og deila því sem skiptir okkur máli: vonum okkar, gildum og hugmyndum um framtíðina.

Kannski breytum við ekki heiminum á einum degi en orð eru til alls fyrst og vonin vex þegar við tökum virkan þátt.

Laugardaginn 10. október hittumst við í skólum og öðrum samkomustöðum og tölum saman undir handleiðslu ungra lóðsa.

Hver geta tekið þátt?

Öll, óháð aldri. Fólk á aldrinum 16-30 ára getur skráð sig sem lóðs og fengið þjálfun í að leiða samtal á þínu borði/þínum hring.

Hvað er lóðs?

Ungur leiðbeinandi sem stýrir samtali. Lóðs leiðir ekki fólk að niðurstöðu heldur hjálpar öllum við borðið að hlusta og láta rödd sína heyrast.

Hvað er borð/hringur?

Hópurinn sem þú tilheyrir og tekur þátt í samtali við.

Hvernig tek ég þátt í Samtali?

Þú skráir þig hér á vefnum og svarar um leið fáeinum einföldum spurningum.
Þú færð boð í Samtal sem fram fer 10. október í nágrenni við þig.
Þú tekur þátt í Samtali á þeim stað í þeim hring/borði sem tilgreindur er í boðinu.
Þú lýkur þátttöku með því að svara rafrænt spurningum.

Hvað ef ekkert samtal er í nágrenni við mig?

Þá hvetjum við þig til að skipuleggja þitt eigið samtal og hjálpum þér af stað.

Upplýsingar eru frá www.talasaman.is

Lýðheilsuvísar

lisbet.sigurdardottir@landlaeknir.is (Lisbet Sigurðardóttir) — Fri, 27 Sep 2024 15:04:52 GMT

Lýðheilsuvísar 2024

Lýðheilsuvísar eru safn mælikvarða sem ætlað er að gefa vísbendingar um heilsu og líðan þjóðarinnar á hverjum tíma. Lýðheilsuvísum er ætlað að auðvelda stjórnvöldum og öðrum að greina stöðuna, finna styrkleika og áskoranir og skilja þarfir íbúa þannig að hægt sé að vinna með markvissum hætti að því að bæta heilsu og líðan á öllum æviskeiðum.

Svæðisbundnir lýðheilsuvísar 2024 voru kynntir í níunda sinn þann 20. september síðastliðinn.

"Þetta vilja þau" - Skýrsla Forvarnardagsins

Mon, 30 Aug 2021 13:26:53 GMT

"Þetta vilja þau" - Skýrsla Forvarnardagsins

Margrét Lilja Guðmundsdóttir, sérfræðingur hjá Rannsóknum og greiningu og kennari við íþróttafræðideild Háskólans í Reykjavík fer yfir niðurstöður skýrslu um Forvarnardaginn 2020.

Fyrirlestraröð R&G - Lykiltölur í lífi barna

Wed, 23 Sep 2020 17:27:15 GMT

Fyrirlestraröð R&G - Lykiltölur í lífi barna

Dr. Ingibjörg Eva Þórisdóttir, sérfræðingur hjá R&G, mun fara yfir nýjungar á vef Rannsókna og greiningar sem ber heitið Lykiltölur í lífi barna . Um er að ræða opinn landsaðgang að nýjustu rannsóknum R&G, Ungt fólk 2020. En þar geta notendur nú fengið greinargott yfirlit yfir stöðu ýmissa þátta í lífi og umhverfi barna og ungmenna eins og hún var í febrúar síðastliðnum. Ingibjörg mun veita innsýn í notkun vefsins, hvernig hægt er að skoða niðurstöður fyrir landið í heild og vista upplýsingar af síðunni svo fátt eitt sé nefnt.

Dagskráin